21 февраль ҡалабыҙҙың 91-се гимназияһында  7-се класта асыҡ дәрес күрһәттем. Билдәле композитор Хөсәйен Әхмәтовҡа арналған дәрес уҡыусыларға бик оҡшаны. Балалар үҙҙәренең тулы, матур яуаптары менән барыбыҙҙы ла бик ҡыуандырҙы. Йыр сәнғәтенә ҡыҙыҡһыныуҙары бар икәне йөҙҙәрендә сағыла ине. Проект эшендә лә, бер-береһе менән башҡортса аралашыуҙа ла, логик фекерләүҙе талап иткән ребус сисеүҙә лә улар бик әүҙем һәм ихлас ҡатнашты. Дәрестән ҙур дәрт, ҡыуаныс алып, шатланып ҡайттым.